Movie Trivia: Amalia Fuentes
  • 23
  • 07

Movie Trivia: Amalia Fuentes
By Boy Silverio

Unang kumita ng liwanag sa Maynila noong Agosto 27, 1940. Unang naging ninong ng binyag ay ang kanyang amaing si Jose Amador at ang unang ninang naman niya sa kumpil ay si Mercedes Pons del Sol. Unang nagaral ng Grade 1 sa Sta. Isabel College sa Maynila. Nag-aral naman ng high school sa Davao Colleges sa Davao City. Unang pangarap ay maging isang tanyag na artista. Una munang natangahal sa “Miss Number One” bago lumabas sa pelikula. Kasabay niya si Juancho Gutierrez na siyang naging “Mr. Number One”. Unang gumanap sa pelikulang “Hindi Basta Basta” at unang ipinakilala sa “Prince Charming” ng Sampaguita Pictures noong 1955. Naging full-fledged star naman sa “Movie Fan” bilang kabituin ni Juancho Gutierrez. Unang naging contract star ng Sampaguita Pictures at ito’y sa loob ng pitong taon. May 44 pelikula siyang ginampanan sa SPI.

Unang naging Famas Best Actress for 1966 dahil sa pagganap sa “Ibulong Mo sa Hangin”. Naging Famas nominee rin sa pagiging Best Actress of 1965 dahil sa pagganap sa “Sapagkat Ikaw Ay Akin”. Unang sariling produksiyon ng pelikula ay ang AM Productions na ang unang pelikulang ginawa ay “Dream Girl”. Unang nakabituin si Romeo Vasquez sa “Madaling Araw”; si Fernando Poe, Jr. sa “Walang Hanggan”; si Eddie Rodriguez sa “O Pagsintang Labis”; si Dolphy sa “Kaming Taga-Ilog”; si Chiquito sa “Kiko En Kikay”; si Zaldy Zshornack sa “Sa Manlulupig Di ka Pasisiil”.

\Unang ikinasal kay Romeo Vasquez noong Enero 6, 1966. Ito ay Justice of the Peace Court ng San Ildefenso, Bulacan. Unang naging supling ay si Liezl na isinilang noong Marso 27, 1967. Unang inihabla ng Lea Productions noong Setyembre 16, 1969 sa salang “breach of contract” o pagsira sa isang nilagdaang pangako. Unang aktres na tinaguriang “superstar” sa local tinsel town. Unang naging highest paid actress at ito’y sa pelikulang “Destination: Vietnam”. Ang una pa sa rito ay sa “Ako’y Iyong Iyo.” Una ring nahirang bilang Asia’s Most Beautiful Actress batay sa survey na inilunsad ng Asia Magazine noong mga taong 1960.

 

Comments (0)

Leave a reply

Should you ever have a question, please dont hesitate to send a message or reach out on our social media.
More News
  • 16 Jul 2019
  • 0
The New Woman in Feminist Literature and Filipino Films By Carmen Guerrero-Nakpil The second (and latest) offensive of that phenomenon known all over as Woman’s...
  • 6 Jun 2019
  • 0
Some may know that there is a stereotype in Philippine films. They say that films made in the Philippines look cheap compared to the ones...
  • 1 Feb 2019
  • 0
José Marcelo Ejército Sr., or popularly recognized by the screen name Joseph Estrada, was born on April 19, 1937 in Tondo. Aside from that, he...
X