The Original Dyesebel
Isinulat ni Neal Marquez

Alam n’yo ba na si Edna Luna ang kauna-unahang aktres na gumanap nan “Dyesebel” na idinirehe ni Gerry de Leon? Na siya’y morena sa personal ngunit napakakinis at napakaganda niya sa silver screen? Na siya ang pinaka-photogenic sa mga aktres noong mga panohong na iyon? Na si Jaime dela Rosa ang leading man niya sa “Dyesebel”, na hiniram pa ng Premier Productions sa LVN Pictures? Na ang “Dyesebel” ang number three moneymaker noong 1953?

Na nakatambal niya sina Fernando Poe Jr. at Zaldy Zhornack, isang remake movie na pinagtambalan noon nina Leopoldo Salcedo at Rosa del Rosario noong 1946? Na dahilan sa ideal Filipina beauty niya’y siya ang napili upang gumanap na Leonor Rivera sa pelikulang “Buhay at Pag-ibig ni Dr. Jose Rizal” (1956)?

Na si Eddie del Mar ang gumanap na Jose Rizal sa pelikulang ito? Na iniwan niya ang show business at the peak of her career upang manirahan na sa Estados Unidos?